Lögreglan á höfuðborgarsvæðinu hefur gefið út sektir fyrir tæpar sjö milljónir króna fyrir notkun á farsíma undir stýri. Þetta kemur fram á Facebook-síðu Lögreglunnar.
Sektir fyrir ýmis umferðarlagabrot hækkuðu umtalsvert þann 1. maí síðastliðinn þegar ný reglugerð tók gildi. Ein helsta ástæðan fyrir sektunum var sú að þær höfðu ekki hækkað í rúman áratug og höfðu því lítin sem engan fælingarmátt.
Sjá einnig: Skelfilega margir í símanum undir stýri, sjáðu nýtt myndband úr umferðinni í Reykjavík
Sektin fyrir að tala í símann undir stýri var 5 þúsund krónur en eftir breytinguna hækkaði hún upp í 40 þúsund krónur og varð því áttfalt hærri.
Á Facebook-síðu Lögreglunnar á höfuðborgarsvæðinu kemur fram að síðan breytingarnar tóku gildi, fyrir rúmum mánuði hafi hún gefið út 173 sektir fyrir að tala í símann undir stýri og er það jafnvirði sjö milljóna íslenskra króna.
Þetta sé alltof mikið og vonar lögreglan að ökumenn fari að læra af þessu.