Stjórn RÚV ræðir framgöngu Reykjavíkurdætra: „Hálfgerð klámsýning í þætti Gísla Marteins“

Auglýsing

Flutningur Reykjavíkurdætra í þætti Gísla Marteins verður ræddur á stjórnarfundi RÚV í dag. Þetta kom fram í máli Kristins Dags Gissurarsonar, stjórnarmanns RÚV og bæjarfulltrúa Framsóknarflokksins í Kópavogi, í síðdegisútvarpinu á Útvarpi Sögu í gær.

Sjá einnig: Ágústa Eva gekk út í beinni hjá Gísla Marteini: „Ég samþykkti ekki að taka þátt í svona gjörningi“

„Ef við tökum mál sem brennur á mörgum, þegar það var hálfgerð klámsýning í þætti Gísla Marteins,“ sagði Kristinn í umræðu um dagskrárstefnu RÚV sem stjórnin tekur þátt í að móta.

Ég verð að segja það alveg hreint út hér. Þetta er með eindæmum að svona efni skuli hafa verið sýnt á ríkisfjölmiðli. Í fjölskylduþætti. Ég mun kalla eftir viðbrögðum útvarpsstjóra á stjórnarfundi.

Hann sagði að svona mál eigi ekki að koma fyrir á ríkisfjölmiðli. „Þar á þetta að vera hófstillt. Þar á þetta að vera skynsamlegt. Þar á að greina mál frá báðum hliðum. Bjóða aðilum andstæðra skoðana, helst saman.“

Auglýsing

Hann segir að útvarpsstjóri sé ábyrgur fyrir málinu. „Við getum sagt að þarna hafi, að mínu viti, starfsmaður farið útaf sporinu hvað varðar dagskrárgerðarstefnu þessa ríkisfjölmiðils sem RÚV er.“

Hér má sjá frammistöðu Reykjavíkurdætra hjá Gísla Marteini

Auglýsing

læk

Ummmmm...

Instagram