Þórður Snær Júlíusson, ritstjóri Kjarnans, gagnrýndi í gær fréttaflutning Morgunblaðsins vegna máls hælisleitanda sem safnaði rafgeymasýru. Þórður deildi svo viðbrögðum fólks við ummælum hans á Twitter og þau voru ljót.
Sjá einnig: Þórður Snær gagnrýnir fréttaflutning Morgunblaðsins: „Skrýtið en ekki ólöglegt“
Þórður sagði að hælisleitandinn hafi ekki gert neitt ólöglegt en frétt Morgunblaðsins gæfi það í skyn. Þórður benti á að það að safna rafmagnssýru á brúsa sé ekki ólöglegt, þó svo að það sé skrýtið. Þá telur hann svo að Morgunblaðið gefi í skyn með framsetningu sinni hver ætlun mannsins hafi verið. Að lokum fannst Þórði undarlegt að það þurfi að taka fram að honum hafi verið vísað úr landi eftir að umsókn hans hafi verið hafnað, það sé gert við alla.
Í þeim tveimur ummælum sem Þórður fann og deildi á Facebook er þess meðal annars óskað að hann verði fyrsti Íslendingurinn til að fá sýrubað en mynd af ummælunum má sjá hér að neðan.
Ég tísti í morgun um hundaflaut á forsíðu Morgunblaðsins um hælisleitendur og sýru. Hér eru hluti viðbragða. Einn sem óskar mér sýrubaðs og annar sem staðfestir að hundaflautið svínvirkaði. pic.twitter.com/HinYp72H7p
— Þórður S. Júlíusson (@thordursnaer) June 5, 2019