Hráefni:
- 4 naan brauð
- 2 1/2 dl rifinn eldaður kjúklingur, velt upp úr góðri BBQ sósu
- 120 gr reyktur gouda ostur (eða venjulegur) rifinn niður
- 1/4 rauðlaukur, skorinn í þunnar sneiðar
- 2 msk ferskt saxað kóríander
Aðferð:
1. Hitið ofninn í 200 gráður og leggið bökunarpappír á ofnplötu.
2. Raðið naan brauðum á ofnplötuna og hitið í ofninum í 1-2 mín. Takið þau út og snúið þeim við. Toppið hvert og eitt brauð með kjúkling, osti og rauðlauk. Setjið þetta aftur í ofninn og bakið í um 5-7 mín eða þar til osturinn er vel bráðinn. Stillið þá ofninn á háa grill stillingu og brúnið þannig ostinn í um 2 mín.
3. Takið úr ofninum og dreifið kóríander yfir áður en þetta er borið fram.