Einstaklega bragðgóður og einfaldur kjúklingaréttur sem er fljótlegt að útbúa. Gott er að bera réttinn fram með hrísgrjónum og fersku salati.
Hráefni:
- 3 hvítlauksgeirar rifnir niður
- 1 lítil krukka sólþurrkaðir tómatar, olían síuð frá (setjið 2 msk af olíunni í skál og geymið) og tómatarnir skornir í litla bita
- 450 gr kjúklingalundir (eða bringur skornar í strimla)
- 250 ml rjómi
- 250 ml kjúklingasoð
- 1 dl rifinn mozzarella
- Fersk basilikka söxuð
- Rauðar chilli flögur, má sleppa
- Salt og pipar eftir smekk
Aðferð:
1. Hitið 2 msk af olíunni (af sólþurrkuðu tómötunum) á góðri pönnu. Steikið hvítlaukinn og sólþurrkuðu tómatana í um 1 mín. Færið þetta síðan af pönnunni á disk, en hafið olíuna áfram á pönnunni. Steikið núna kjúklinginn í olíunni, c.a. 1 mín á hvorri hlið og kryddið til með salti og chilli flögum.
2. Setjið núna hvítlaukinn og tómatana aftur á pönnuna með kjúklingnum. Bætið rjóma og mozzarella saman við og látið malla þar til osturinn hefur bráðnað. Næst fer kjúklingasoð saman við ( byrjið á helmingnum og sjáið hvort það þurfi meira). Kryddið til með ferskri basiliku, salti, pipar og chilli flögum.Hrærið vel í.
3. Leyfið þessu nú að malla í nokkrar mínútur og bætið kryddi og kjúklingasoði saman við eftir smekk. Njótið!