Pönnusteiktir þorskhnakkar í sítrus-basilsósu

Auglýsing

Hráefni:

  • 500-700 gr þorskhnakkar
  • 2 appelsínur
  • 1 sítróna
  • 1 dl ólívuolía
  • Fersk basilika
  • 2 msk smjör
  • 1 tsk hrásykur eða ljós púðursykur
  • Salt og pipar

Aðferð:

1. Raðið þorskhnökkunum í eldfast mót.

2. Rífið börkinn af 1 appelsínu og 1 sítrónu yfir fiskinn. Kreistið næst safann úr appelsínunni og sítrónunni í skál og bætið 1/2 dl ólívuolíu saman við og hrærið vel saman. Hellið þessu næst yfir fiskinn og leyfið honum að marinerast í 30 mín.

Auglýsing

3. Hitið ofninn í 120 gráður.

4. Hitið 1/2 dl ólívuolíu á pönnu. Hellið safanum af fisknum í skál og geymið. Steikið fiskinn á pönnunni í c.a. 4 mín á hvorri hlið. Kryddið fiskinn með salti og pipar. Setjið fiskinn aftur í eldfasta mótið og inn í volgan ofninn á meðan sósan er útbúin.

5. Bræðið smjör á pönnunni ásamt sykrinum og restinni af marineringunni. Bætið við safa úr 1 appelsínu. Náið upp suðu og leyfið þessu að malla þar til sósan fer að þykkna. Bætið þá 1/2 dl af fínsaxaðri basiliku saman við sósuna.

6. Takið fiskinn úr ofninum og hellið sósunni yfir hann. Toppið með ferskri basiliku og berið fram strax með hrísgrjónum eða kínóa.

Auglýsing

læk

Nýjast á Matur

Instagram