Við getum stytt okkur leiðir með öllum mögulegum leiðum í lífinu en það er einn félagi okkar sem við getum aldrei svikist undan – og það er svefninn!
Rétt eins og bílar sem þurfa bensín getum við ekki komist hjá því að hvíla okkur fylla á orkutankinn. Þú kannast örugglega við aukaverkanirnar hér að neðan og það gæti því vel verið að þú værir ekki að sofa nægilega vel? Eða nægilega mikið!
Hér eru nokkur einkenni:
#1 Þú kemur minna í verk
Ef þú færð ekki nægilega mikinn svefn helst það í hendur að framleiðni minnkar. Hvort sem um ræðir líkamlega eða andlega áreynslu þá verður vinnan erfiðari.
#2 Þú ert utan við þig!
Skortur á góðum svefni hefur áhrif á viðbrögð og skarpa hugsun auk þess sem erfiðara verður að halda einbeitingu.
#3 Þú ert gleymin/n
Þegar þú sefur nær heilinn að „restarta“ sig, rétt eins og tölva sem þarf að slökkva á sér við og við. Ef þú sefur ekki nóg getur verið að minnið byrji að „hiksta“.
#4 Aukið stress
Daglegt amstur getur orðið að óyfirstíganlegu stressi ef svefn er lítill og svefngæðin lítil.
#5 Þurr húð
Þurr húð er annað merki um skort á svefni en líkaminn bregst við með mörgum leiðum þegar hann virkar ekki eðlilega.
#6 Þú verður klaufi!
Þegar þú færð takmarkaðan svefn er líkaminn ekki að starfa eðlilega og þú ert mun líklegri til þess að gera klaufaleg mistök eins og að hrasa.
#7 Þú færð kvef eða slappleika meira en einu sinni á ári
Ónæmiskerfi líkamans veikist með lélegu svefnmynstri og það gerir þig mun móttækilegri fyrir kvefi og öðrum kvillum.
#8 Bumba?
Vissir þú að líkaminn þarf meiri orku þegar hann er þreyttur? Skortur á svefni takmarkar framleiðslu þeirra hormóna sem vinnur gegn óþarfa fitu í líkamanum. Ofan á það ert þú svangari þegar líkaminn er ekki vel hvíldur.
Niðurstaðan er því einföld – við verðum að sjá til þess að við fáum nægan svefn!
Því það er greinilega ansi alvarlegt að passa ekki upp á sólarhringinn hjá sér…