Í nútíma samfélagi getum við flest verið sammála um það að menntun er mikilvægari en lýtaaðgerðir.
Flest, en þó ekki öll.
Bretinn Catherine Byrne sótti um háskólanám í sálfræði bara til þess að fá borguð námslán sem hún eyddi síðan í brjóstastækkun.
Catherine sótti námið í tvær vikur, sem var það sem hún þurfti að gera til að fá námslán, en um leið og peningurinn kom inn á reikninginn hennar hætti hún í náminu og fór í stækkunina.
Að önninni lokinni gat hún aftur sótt um lán til að taka önnina aftur vegna þess að hún hafði fallið. Hún eyddi þeim pening í varastækkun og fleiri aðgerðir á andlitinu.
Í Bretlandi er kerfið þannig að þú þarft ekki að endurgreiða lánið fyrr en þú er komin/n með yfir lágmarkstekjur og segist Catherine, sem dreymir um að vera módel, ekki reikna með því að verða svo tekjuhá – svo hún hefur engar áhyggjur af lánunum.
Hún segist vera hamingjusamari með nýju H stærðar skálarnar sínar en hún hefði nokkurn tímann verið með sálfræðigráðu.