today-is-a-good-day

Hún hélt að eiginmaðurinn væri að halda framhjá – En hin konan í spilinu var maðurinn hennar! – MYNDIR

Kelly Allen var staðráðin í því að eiginmaður hennar Warren væri að halda framhjá eftir að hún fann skrýtinn varalit í hanskahólfinu á bílnum hans.

En Kelly hefði eiginlega ekki getað haft meira rangt fyrir sér, því að Warren hafði engan áhuga á öðrum konum – heldur fannst honum hann vera kona.

Þau hafa verið gift í 10 ár og eiga saman tvö börn, en Warren er búinn að vera halda þessu leyndu frá því að hann var táningur.

Kelly sagði ekkert þegar hún fann varalitinn, en þegar Warren fór að fela símann sinn þá varð hún að ræða þetta við hann – haldandi að þetta yrði endirinn á hjónabandinu þeirra.

En í staðinn þá deildi hann leyndarmáli sínu með henni og stuðningur hennar í gegnum ferlið sem tók við hefur gert sambandið þeirra sterkara en nokkru sinni fyrr.

Warren sagðist vilja vera kallaður Zoey og að hann vildi fara í kynleiðréttingaraðgerð, sem hann hafði verið að kynna sér á símanum sínum – og þess vegna var hann að fela hann.

Þetta var vissulega sjokk fyrir Kelly, en hún sagðist elska Warren of mikið til að missa hann, svo að hún væri vel tilbúin til að vera gift Zoey í samkynhneigðu sambandi.

Nú hafa þau ákveðið að endurgifta sig og ætla í þetta skiptið bæði að vera í kjól í athöfninni.

„Ég veit að þetta hljómar sjokkerandi að eiginmaður minn er að verða eiginkona mín, en við erum hamingjusöm. Það hefði verið mun verra ef hann hefði sagt að hann væri að halda framhjá. Það hefði eyðilagt fjölskylduna okkar. En við getum áfram verið hamingjusöm saman svona“ sagði Kelly.

Zoey og Kelly eiga nú sterkara samband en nokkru sinni fyrr og sannleikurinn hefur gert þau bæði hamingjusamari fyrir vikið.

Lífið lítur kannski ekki út eins og þau héldu að það myndi líta út, en það breytir ekki því að það er betra svona.

Auglýsing

læk

Instagram