Elísabet Inga, útsendari Nútímans, dreifði pylsum fyrir utan World Class í gær. Pylsur innihalda jú meira prótín en skyr en hversu margir voru til í eina með öllu eftir æfingu?
Horfðu á myndbandið hér fyrir ofan. Þetta gekk mjög vel
Forsaga málsins er sú að í vikunni svaraði Steinþór Skúlason, forstjóri SS, grein Geirs Gunnars Markússonar næringarfræðings sem bar yfirskriftina Fimm algengar gervimatvörur sem við gefum börnunum okkar. Þar sagði Geir Gunnar sorglegt að sjá foreldra fæða börnin sín á matmálstímum á pylsuvögnum bæjarins.
Frétt Nútímans um svar Steinþórs vakti gríðarlega athygli en þar fullyrti hann að næringarlega sé SS pylsan góður kostur miðað við sambærilegan flokk matvæla.
„Pylsan inniheldur 13% prótein sem er meira en skyr svo dæmi sé tekið. Fullyrðing Geirs um að SS pylsan sé „líklega bæjarins versta næring“ er augljóslega fráleit,“ sagði hann.
▶️ Raunir alnöfnu Vigdísar Hauks: „Kvensjúkdómalæknirinn spurði hvort ég væri í Framsókn“