Hráefni:
- 3 – 6 úrbeinuð kjúklingalæri
- 1 pakki strengjabaunir
- 3 msk smjör
- 4 hvítlauksgeirar, rifnir niður
- 1 tsk paprika
- 1 tsk laukduft
- 1/4 tsk salt og pipar
- safinn af 1/2 sítrónu + sneiðar til skrauts
- 125ml kjúklingasoð
- 1 tsk sterk sósa, t.d. Sriracha)
- 1/4 tsk chilliflögur, má sleppa
- 1 dl fersk steinselja, söxuð
Aðferð:
1. Blandið saman laukdufti, papriku, salti og pipar í skál. Kryddið kjúklinginn rausnarlega með kryddblöndunni. Leggið til hliðar á meðan baunirnar eru útbúnar.
2. Setjið strengjabaunirnar í pott með vatni og sjóðið í um 8 mín.
3. Bræðið 3 msk smjör á stórri pönnu. Steikið kjúklinginn á pönnunni í um 5-6 mín á hvorri hlið, eða þar til hann er eldaður í gegn og farinn að taka á sig fallega gylltan lit. Takið kjúklinginn af pönnunni og leggið til hliðar.
4. Notið sömu pönnu og bræðið á henni 1 msk smjör. Setjið soðnu strengjabaunirnar á pönnuna ásamt, steinselju, hvítlauk, sriracha sósu og chilliflögum. Steikið þetta í um 4-5 mín og hrærið reglulega í þessu. Bætið sítrónusafa og kjúklingasoði og leyfið þessu að malla þar til þykknar örlítið í þessu.
5. Færið kjúklinginn á pönnuna og leyfið honum að hitna vel upp. Kryddið til með salti og pipar. Berið fram með sítrónusneiðum, ferskri steinselju og chilliflögum eftir smekk. Njótið!