Íþróttafréttamaðurinn Hörður Magnússon, eða Höddi Magg, hefur hafið störf hjá Viaplay. Þetta kemur fram á vef 433.is
Hörður vann lengi á Stöð 2 Sport og var sagt upp á síðasta ári en er nú á leiðinni aftur á skjáinn. Mun hann lýsa leik Werder Bremen og Frankfurt í þýsku Bundesligunni hjá Viaplay á morgun.
„Get staðfest þetta. Mjög spennandi og hlakka til þess að takast á við þetta. Þetta á sér nokkuð langan aðdraganda með Viaplay og tel þetta vera rétt skref á mínum ferli. Á nóg eftir,“ skrifar Hörður á Facebook síðu sína.