amiina gefur út tvö jólalög fyrir hátíðarnar

Auglýsing

Hljómsveitin amiina gefur út tvö jólalög fyrir hátíðarnar en útgáfan er fyrsti hlutinn af nýrri “attic series” eða hálofts seríu. Í gær gáfu þau út lagið I’d like to Teach the World to Sing og á aðfangadag kemur út Hátíð fer að höndum ein. Hljómsveitin hefur verið starfrækt í meira en 15 ár og hefur á því tímabili samið fjölda laga sem af ýmsum ástæðum hafa aldrei verið gefin út á plötu eða smáskífu en fá nú hægt og rólega að líta dagsins ljós. 

Hljómsveitin er búin að vera undirbúa útgáfu á nýju efni á næsta ári, en breiðskífan þeirra Fantômas kom út árið 2016.  Í leiðinni fóru þau í gegnum lagasafnið sitt, eða fóru að gramsa á háaloftinu ef svo má að orði komast, og fundu þar nokkra gamla gullmola sem sem þau munu deila fram á næsta ár eða svo. Þaðan kemur hugmyndin um “attic series”, og þetta er fyrsta útgáfan úr seríunni. Hún inniheldur tvö jólalög sem amiina tók upp fyrir þó nokkrum árum og nú gefst loks tækifæri fyrir aðdáendur að hlusta og njóta.

I’d Like to Teach the World to Sing er ábreiða af hinu þekkta lagi Hillside Singers, einnig þekkt sem Coke jólalagið. Árið 2011 var amiina beðin um að vera partur af jóladagskrá Viðsjár á Rás 1 og  var þessi útgáfa lagsins tekin upp af því tilefni. Lagið varð fyrir valinu vegna þeirra hlýju nostalgíu sem það færi okkur, því í bernskunni var það ómissandi partur af jólunum þegar auglýsingin var flutt í sjónvarpinu rétt fyrir jólin ár hvert.

Á aðfangadag gefa þau út lagið Hátíð fer að höndum ein sem er mörgum kært og ómissandi í undirbúningi jólanna. Þessa útsetningu lagsins má rekja aftur til ársins 2009 þegar amiina ásamt fjölda listamanna, kom fram á tónleikum í Barbican Centre sem báru heitið Twisted Christmas. Þar voru flutt jólalög úr ýmsum áttum og var útsetningin gerð af því tilefni og flutt af listamönnunum ásamt kammersveit og kór. Þátttakendur frá Íslandi voru meðlimir amiinu, Paul Lydon og Kippi Kaninus sem gekk til liðs við sveitina stuttu síðar.

Auglýsing

Nokkrum árum síðar ákvað hljómsveitin að taka upp þessa smærri útgáfu lagsins til að birta á jóladagatali sveitarinnar.

Auglýsing

læk

Ummmmm...

Instagram