Ásdís Rán er á OnlyFans: „Þetta er meira fyrir svona hardcore Icequeen fans“

„Ég er svolítið taka mitt sexí concept sem ég hef verið að representa í Playboy og MAXIM og er að færa það yfir á annan grundvöll,“ segir fyrirsætan og athafnakonan Ásdís Rán Gunnarsdóttir en hún er komin á hina umdeildu en jafnframt vinsælu vefsíðu OnlyFans.

„Ef ég er að fara í myndatökur þá fara aðdáendur mínir þarna inn og sjá hvað ég er að gera og kaupa myndirnar mínar“

OnlyFans gerir notendum kleift að selja efni gegn mánaðarlegu gjaldi en um er að ræða bæði ljósmyndir og myndskeið. Eins og Ásdís Rán kemur inn á í viðtali við Götustrákana á hlaðvarpsveitunni Brotkast er allur gangur á því hvers konar efni er deilt á síðunni – þar séu fyrirsætur, kokkar og einkaþjálfarar en þó er nekt og erótískt efni lang vinsælast. Þá geta þeir sem setja inn efni boðið upp á samskipti við aðdáendur sína – dæmi eru um Íslendinga sem hafa hagnast um margar milljónir á OnlyFans.

Flestar myndir „bannaðar börnum“

Ásdís Rán vakti gríðarlega athygli úti um allan heim á sínum tíma þegar myndir af henni birtust í hinum heimsþekktu tímaritum Playboy og MAXIM. Nú hefur hún laðað aðdáendur sína inn á OnlyFans þar sem hún hefur hingað til selt aðgang að bæði nýjum ljósmyndum og myndskeiðum. Myndirnar eru vel flestar „bannaðar börnum“ en Ásdís Rán segir fjölda einstaklinga fylgja sér á síðunni.

Ísdrottningin vakti mikla athygli þegar hún birtist á forsíðu MAXIM-tímaritsins.

„Ef ég er að fara í myndatökur þá fara aðdáendur mínir þarna inn og sjá hvað ég er að gera og kaupa myndirnar mínar,“ segir Ásdís Rán sem greinir frá því að aðdáendur sínir á OnlyFans séu frá hinum ýmsu heimshornum.

Ekki bara klám

„Já, ég er með marga Íslendinga. Ótrúlega marga Íslendinga en rosalega mikið af útlendingum líka. Á Facebook-inu mínu er ég örugglega með 70 þúsund manns sem eru úti um allan heim,“ segir Ásdís Rán og tekur fram að það er ekki bara klám á OnlyFans.

„Það er ekki bara klám þarna – þetta er líka stökkpallur fyrir fyrirsæta, kokka, einkaþjálfara og svo eru náttúrulega klámdrottningar þarna líka.“

Götustrákar er hlaðvarpsþáttur á Brotkast en Nútíminn fékk góðfúslegt leyfi þeirra til að birta myndskeið úr þættinum sem hægt er að sjá hér fyrir neðan. Ef þú vilt hlusta og horfa á þetta viðtal eða aðra þætti á hlaðvarpsveitunni þá getur þú smellt hér!

Auglýsing

læk

Instagram