Hún lítur ekki út fyrir að vera atvinnumaður í áti en þrátt fyrir það getur hin bandaríska Katina borðað nánast alla undir borðið og það gerði hún einmitt nokkrum sinnum á Íslandi á dögunum.
Nútíminn greindi frá því þegar hún og eiginmaður hennar Randy buðu Hafþóri Júlíusi Björnssyni á hamborgarastaðinn 2Guys í Reykjavík. Þar fengu þau 45 mínútur til að klára tveggja og hálfs kílóa hamborgaraturn með frönskum.
Í þetta skiptið var Katana mætt á The Gastro Truck en veitingastaðurinn býður öllum þeim sem telja sig geta klárað stærstu samloku Íslands á aðeins 60 mínútum til sín í sannkallaða matarveislu. Um er að ræða fjögurra kílóa kjúklingabombu með frönskum og jalapenó-mæjó…og smá salat.
Það er gaman að geta þess að Katana er aðeins rúmir 150 sentímetrar en á að baki farsælan feril í vaxtarrækt og hefur sett þá stefnu að ferðast um heiminn og tækla hinar ýmsu áskoranir sem veitingastaðir hafa upp á að bjóða.
Sjón er vægast sagt sögu ríkari…