Tónlistarmaðurinn Ed Sheeran lauk rúmlega tveggja ára tónleikaferðalagi sínu um heiminn með tónleikum í Ipswich. Hann tilkynnti aðdáendum sínum þar að hann væri nú kominn í að minnsta kosti 18 mánaða frí frá tónleikahaldi.
Sheeran spilaði hátt í 300 tónleika á þessu tímabili, þar á meðal eru tveir tónleikar sem hann hélt á Íslandi fyrir skömmu.
„Þau sögðu mér áður en ég kom hingað að ég hafi spilað fyrir 9 milljónir manns um heim allan. Það er stærsta tónleikaferðalag í heimi. Þetta hefur verið tilfinningaþrunginn dagur fyrir fullt af fólki baksviðs,“ sagði tónlistarmaðurinn og bætti við að þetta væri smá eins og að hætta með kærustu.