Tónlistarmaðurinn Richard Wayne Penniman, eða Little Richard, er látinn, 87 ára að aldri.
Little Richard var einn af vinsælustu tónlistarmönnum Bandaríkjanna á sjötta áratug liðinnar aldar. Lög eins og Tutti Frutti, Long Tall Sally Rip it Up, Lucille og Good Golly Miss Molly nutu öll mikilla vinsælda. Tónlist hans markaði djúp spor í tónlistarsöguna og listamenn á borð við Bítlana,The Kinks og Elvis Costello fluttu lögin hans.