Tónlistarkonurnar Hildur Kristín Stefánsdóttir og Ragna Kjartansdóttir, eða betur þekktar sem Hildur og Cell7, skipta sveitina RED RIOT.
Þær gáfu í gær út lag af væntanlegri plötu og ber lagið heitið One More Dance. Lagið gerðu þær ásamt tónlistarmanninum David44.
„Lagið er ljúfsárt dans-sumarsmellur sem varð til í byrjun árs. David44 er íslenskur tónlistarmaður sem hefur verið búsettur í Kaupmannahöfn frá barnæsku og ljáir hann laginu silkimjúka rödd sína. Lagið var gert á sannkallaðan covid-hátt þar sem vegna ferðahafta hittust RED RIOT og David44 ekki við upptöku lagsins heldur sendu einungis upptökur yfir netið,“ segir í tilkynningu.