Athafna- og viðskiptakonan Þóra Hallgrímsson er látin, níræð að aldri. Björgólfur Guðmundsson, fyrrverandi stjórnarformaður Landsbankans tilkynnti um andlát hennar í Fréttablaðinu í dag.
Þóra og Björgólfur voru áberandi í menningar- og viðskiptalífinu hérlendis á árunum fyrir hrun.
Þóra fæddist í Reykjavík árið 1930 og er dóttir Hallgríms Fr. Hallgrímssonar, fyrrum forstjóra Skeljungs og aðalræðismanns Kanada, og konu hans Margrétar Þorbjargar Thors, dóttur Thors Jensen athafnamanns og systur Ólafs Thors fyrrum forsætisráðherra.