Nýtt tónlistarmyndband tvíeyksins LØV & LJÓN við lagið „Svífum” kom út á dögunum. Leikarinn Villi Neto fer með leiksigur í aðalhlutverki í myndbandinu.
„Við vildum segja skemmtilega og dramatíska sögu á einfaldan hátt og vorum himinlifandi að fá Villa Neto með okkur í lið,” segir Egill Jónsson, liðsmaður LØV & LJÓN, og leikstjóri myndbandsins. Þetta kemur fram á Albumm.is
„Lagið fjallar um að koma til móts við þann sem maður elskar, til dæmis með því að dansa þrátt fyrir að óttast ekkert meira en það. Myndbandið segir sögu sem tónar við það,” segir Einar Lövdahl, hinn helmingur LØV & LJÓN.