Breski lyfjaframleiðandinn AstraZeneca hefur viðurkennt í fyrsta skipti fyrir dómstólum að Covid bóluefni fyrirtækisins geti valdið sérstökum og banvænum blóðtöppum. Málið gæti hugsanlega útsett breska lyfjarisann fyrir málaferlum einstaklinga eða ástvina þeirra sem hafa örkumlast eða látist af völdum bóluefnisins, samkvæmt dómsskjölum.
Ástandið kallast TTS (thrombocytopenic thrombosis syndrome) og er um að ræða sérstakar tegundir af blóðtöppum sem tengjast blóðflögufæð.
Þessar „mjög svo óalgengu aukaverkanir“ eins og segir í dómskjölum eru kjarninn í margra milljóna punda hópmálsókn tugum fjölskyldna á Bretlandi sem halda því fram að þær, eða ástvinir þeirra, hafi örkumlast eða eða látist sökum „gallaðs“ bóluefnis frá Astra Zeneca.
Lögfræðingar kröfuhafanna telja að sum málanna gætu numið allt að 20 milljónum punda í skaðabætur.
Telegraph greindi frá.