Guðjón Heiðar Valgarðsson var gestur í þættinum Götustrákar en Guðjón heldur úti hlaðvarpinu Álhatturinn.
Guðjón Heiðar fer yfir hvaða samsæriskenningar eru hvað þrálátastar um stjörnuliðið í Hollywood og byrjar á að segja frá Rapparanum P-Diddy og kynnum hans og Justin Bieber.
Guðjón segist hafa verið kallaður „samsærisnöttari“ í gegnum tíðina og hlær að nafninu og segist gangast við því enda sé sífellt meira af því sem fólk kallaði samsæriskenningar að koma upp á yfirborðið sem sannleikur.
Hann rifjar upp lögregluskýrslu frá fyrrum eiginkonu P-Diddy, Kim Porter og segir skýrslu vera til þar sem Kim lýsir því að Diddy hafi beðið hana úr túrblóð úr sér til að nota í satanískum athöfnum.
Aðspurður segir Guðjón að þessi orðrómur um satanisma í Hollywood sé það sem hann hafi átt hvað erfiðast með að trúa af samsæriskenningum en að hann sé með ákveðna kenningu um hvers vegna fólk neiti ekki slíkum orðrómi.
Hans kenning sé að satanismi sé eitthvað sem fólk hræðist og ekki sé ólíklegt að valdamikið fólk noti slíkar athafnir til að ná valdi yfir fólki sem er að koma nýtt inn í bransann og hafa þannig einhverskonar tök á þeim.
Hann lýsir því hvernig ung stelpa kom í þátt hjá Dr. Phil og sagði frá að hún hefði gengið kaupum og sölum milli valdafólks í Hollywood og verið misnotuð við allskonar skuggalegar athafnir.
Hann útilokar hins vegar ekki að einhver af þessum öflum séu raunveruleg og að sögur gangi um mannfórnir í slíkum athöfnum þar sem heimilislausum hafi verið fórnað í slíkum athöfnum.
Guðjón segir svo að eftir Covid hafi mun fleiri orðið „álhattar“ en áður enda hafi ýmislegt skrýtið gengið yfir á þeim tíma.
Hægt er að sjá brot úr viðtalinu hér fyrir neðan en til að horfa á allan þáttinn geturðu tryggt þér áskrift að streymisveitunni Brotkast.