today-is-a-good-day

2.500 manns fylgjast með forsætisráðherra á Snapchat

Um 2.500 manns fylgjast með Sigmundi Davíð Gunnlaugssyni forsætisráðherra á Snapchat. Sigmundur byrjaði á Snapchat á gamlársdag í kjölfar yfirlýsingar í þættinum Kryddsíld á Stöð 2.

Jóhannes Þór, aðstoðarmaður Sigmundar, segir í samtali við Nútímann að áhorfendurnir séu orðnir 2.500 og bætir við að forsætisráðherra sé ekki alveg búinn að læra á miðilinn.

Sigmundur Davíð hefur sýnt á sér nýjar hliðar á Snapchat. Hann grínaðist með að hefja árið með hreint borð og birt myndband af tandurhreinu skrifborði. Þá birti hann mynd af kjúklingaborgara á KFC og lofaði að hollustan væri handan við hornið.

Í dag nappaði hann svo fyrrnefndan aðstoðarmann með poka af lakkrís en hann var víst búinn að lofa að minnka sælgætisneysluna á nýju ári. Notendanafn Sigmundar Davíðs á Snapchat er sigmundurdavid.

Auglýsing

læk

Instagram