Enski leikarinn Andy Serkis sem er hvað þekktastur fyrir túlkun sína á Gollum í Lord of the rings myndunum bregður sér í gervi Theresu May, forsætisráðherra Bretlands, í nýju myndbandi sem hefur slegið í gegn.
Serkis sem er klæddur eins og May í myndbandinu notar rödd Gollum og gerir grín að Brexit samningnum. Myndbandið er hluti af herferð hagsmunahópsins „People’s Vote“ sem vilja að almenningur í Bretlandi fái að kjósa á ný um Brexit í ljósi nýrra upplýsinga.