today-is-a-good-day

Auður og Ragnar aðstoða Báru

Bára Halldórsdóttir, uppljóstrarinn sem tók upp ógeðfellt samtal þingmanna á Klaustri bar 20. nóvember hefur fengið aðstoð lögmanna. Auður Tinna Aðalbjarnardóttir og Ragnar Aðalsteinsson frá lögmannsstofunni Rétti munu veita Báru aðstoð í Klaustursmálinu. Þetta kemur fram á vef RÚV.

Sjá einnig: Þúsundir landsmanna lýsa yfir stuðningi við Báru: „Þú ert hetjan okkar“

Bára hefur verið boðuð í skýrslutöku hjá Héraðsdómi í næstu viku vegna einkamáls sem þingmennirnir Anna Kolbrún Árnadóttir, Bergþór Ólason, Gunnar Bragi Sveinsson og Sigmundur Davíð Gunnlaugsson skoða nú að höfða gegn henni.

Símon Sigvaldason, dómstjóri Héraðsdóms Reykjavíkur, sagði í samtali við RÚV í gær að Bára hefði verið boðuð til þess að gera henni ljóst að hugsanlega verði höfðað mál gegn henni og að hún gæti þurft að grípa til varna.

Auglýsing

læk

Instagram