Alvarlegt umferðarslys varð á Vesturlandsvegi skammt frá Hraunsnefi í Norðurárdal í Borgarfirði á níunda tímanum sunnudagskvöldið 9. júní. Fólksbifreið sem ekið var í norður skall framan á jeppabifreið sem ekið var til suðurs.
Ökumaður fólksbifreiðarinnar lést en ökumaður og farþegi í jeppabifreiðinni voru fluttir með þyrlu Landhelgisgæslunnar til aðhlynningar á Landsspítalann. Báðar bifreiðar eru ónýtar eftir slysið.
Lögreglan á Vesturlandi er með tildrög slyssins til rannsóknar.