Brynjar hafði samband við Steinunni og baðst afsökunar á því að hafa beðið um að fá að kyssa hana

Auglýsing

Brynjar Níelsson, þingmaður Sjálfstæðisflokksins, hafði samband við Steinunni Þóru Árnadóttur, þingkonu VG, og baðst velvirðingar á orðum sínum á fundi Siðmenntar á Kex Hosteli í gærkvöldi.

Myndband: Brynjar biður um að fá að kyssa Steinunni í beinni útsendingu

Brynjar bað Steinunni um að fá að kyssa hana á fundinum en á vef RÚV kemur fram að Steinunn Þóra telji Brynjar hafa farið yfir strikið en Brynjar spyr í sömu frétt hvort kímnigáfa á landinu sé dauð.

„Hvað maður segir og gerir tekur oftast mið af eigin veruleika,“ segir Brynjar í færslu um málið á Facebook-síðu sinni. „Mér varð á á pólitískum fundi í gær að lýsa yfir ánægju með málflutning Steinunnar Þóru með því að spyrja hana hvort ég mætti kyssa hana. Með þeim hætti var ég að slá á létta strengi og hélt að öllum væri ljóst að ekkert annað lægi að baki.“

Auglýsing

Brynjar viðurkennir að sér hefði mátt vera ljóst, sérstaklega í ljósi umræðunnar í samfélaginu, að þetta kynni sumum að finnast óviðeigandi.

„Þegar ég vissi að Steinunni Þóru hefði fundist þetta óþægilegt hafði ég strax samband við hana og baðst velvirðingar á þessum orðum mínum. Segja má að þessi kerskni hafi verið misheppnuð sem ég biðst velvirðingar á og mun örugglega læra af,“ segir Brynjar.

Auglýsing

læk

Ummmmm...

Instagram