Donald Trump vill funda með Vladimir Putin, forseta Rússlands, í Reykjavík eftir að hann tekur við embætti forseta Bandaríkjanna. Þetta kemur fram á forsíðu breska dagblaðsins Sunday Times í fyrramálið.
●Trump wants Putin summit in Reykjavik
●May calls for clean and hard Brexit #TomorrowsPapersToday pic.twitter.com/O9pquUoklP— The Sunday Times (@thesundaytimes) January 14, 2017
Í umfjöllun blaðsins kemur fram að með þessu vilji hann feta í fótspor Mikhail Gorbatsjov og Ronald Reagan sem funduðu hér á landi árið 1986.
Í fréttinni kemur einnig fram að fundurinn myndi fara fram aðeins nokkrum vikum eftir að Trump tekur við embætti og að hann vilji ræða við Putin um að draga úr kjarnorkuvopnaeign ríkjana.
Loks kemur fram að starfsfólk Trump hafi rætt við bresk yfirvöld um að Reykjavík myndi henta sem staður til að hefja samræður Rússlands og Bandaríkjanna á ný.