Tónlistarmaðurinn Emmsjé Gauti rifjaði í gær upp þegar hann og Ingó Veðurguð áttust í orðaskiptum í fjölmiðlum landsins. Emmsjé Gauti sagði á sínum tíma að banna ætti tónlist Veðurguðsins en í samtali við Fréttablaðið árið 2009 skýtur Ingó föstum skotum til baka á Gauta.
Ingó sagði þá að nafn rapparans minnti á hamborgarastað og þótti lítið til ummæla hans koma. Hann bætti því þó við að ef að Gauti myndi einhverntímann opna hamborgarastað myndi hann pottþétt mæta.
Nú tæpum tíu árum síðar vinnur Gauti einmitt að því að opna hamborgarastað en nýr og endurbættur Hagavagn opnar í Vesturbænum á föstudaginn. Gauti nýtti tækifærið og bauð Ingó að klippa á borðann og taka fyrsta bitann þegar staðurinn opnar.
Ingó í Veðurguðunum er hér með boðið að klippa á borðann og taka fyrsta bitann þegar við opnum Hagavagninn næsta föstudag. pic.twitter.com/so73ZylFUn
— Emmsjé (@emmsjegauti) November 5, 2018