today-is-a-good-day

Forseti borgarstjórnar vill bjórkæli aftur í Vínbúðina í Austurstræti

 

Dóra Björt Guðjónsdóttir, borgarfulltrúi Pírata og forseti borgarstjórnar, vill að aftur verði boðið upp á staka, kalda bjóra í Vínbúðinni við Austurstræti eins og tíðkaðist áður fyrr, en kælarnir þar voru fjarlægðir árið 2007 að ósk þáverandi borgarstjóra, Vilhjálms Vilhjálmssonar. Þetta kemur fram í Fréttablaðinu.

Í gær var tillaga borgarfulltrúa sjálfstæðisflokksins ekki afgreidd, en hún var áskorun til Alþingis um að afnema einokunarverslun ríkisins, og var hún í kjölfar tillögu borgarstjóra send til umsagnar. Dóra segir að kælarnir gömlu og góðu hefðu skotist upp huga sinn þegar málið var tekið fyrir á borgarstjórnarfundi.

„Á meðan við ræddum málið í marga klukkutíma á síðasta borgarstjórnarfundi mundi ég eftir því þegar borgarstjóri Sjálfstæðisflokksins ákvað að taka út kæla úr Vínbúðinni í Austurstræti og banna sölu stakra bjóra. Til þess þá að reyna að bola heimilislausu fólki með margþættan vanda í burtu af Austurvelli, eins og þú losnir allt í einu við áfengisvanda með því að bjóðast ekki lengur kaldur, áfengur drykkur. Tel ég þetta því vera magnaða skammsýni sem kemur svo bara niður á öllum á svæðinu,“ segir Dóra Björt.

„Neyslustýring hefur oft ekki tilætluð áhrif. Mér finnst, byggt á mínum frjálslyndis- og umburðarlyndishugsjónum, að við eigum frekar að hjálpa og styðja við fólk en að stjórna því. Við eigum ekki að hafa alltaf áhyggjur af því að fólk vilji njóta lífsins.“

Auglýsing

læk

Instagram