Tískuhönnuðurinn, listamaðurinn og rithöfundurinn Gloria Vanderbilt lést á mánudaginn. Hún var 95 ára gömul en greint var frá andláti hennar á CNN.
Sonur hennar, Anderson Cooper, einn þekktasti þáttastjórnandi CNN, flutti fyrstu fréttir af andláti hennar. Hún lést á heimili sínu í New York eftir baráttu við magakrabbamein. Cooper greindi frá því að hún hafi verið umkringd fjölskyldu og vinum þegar hún kvaddi.