„Það sem er svo dæmigert fyrir alræði er að leiðtogarnir sem um ræðir eru yfirleitt sannfærðir um að þeir gangi út frá besta ásetningi… Þeir muni bjarga heiminum og að hugmyndafræði þeirra sé nauðsynleg til að umbreyta samfélaginu. Og það sé allt í lagi, þó það krefjist nokkurra fórna og að það verði eitthvað mannfall en í endann þá er fegurð paradísarinnar sem við munum enda í hún mun bæta upp fyrir það allt saman,“ segir Mattias Desmet, prófessor í sálfræði við háskólann í Gent í Belgíu.
„Þau trúa alltaf að þau standi fyrir vísindum. Þau hafa alltaf gert það. Í Sovíetríkjunum trúðu þeir því, Hitler trúði því.“
Mattias er nýjasti gestur „Spjallsins með Frosta Logasyni“ á hlaðvarpsveitunni Brotkast en hann er einn helsti sérfræðingur heims í kenngingum um fjöldamyndun og hefur greint hvernig það fyrirbæri braust sterklega fram í nýlegum heimsfaraldri. Bókin hans The Psychology of Totalitarianism er metsölubók sem fjallar um þetta og hefur vakið gríðarlega athygli.
Trúa oft ekki sjálfum sér
„Það er það sem alræðisleiðtogarnir trúa alltaf með öfgakenndum hætti á eigin hugmyndafræði. Þeir trúa oft ekki eigin frásögnum og þeir vita að þeir nota alls kyns frásagnir til að sannfæra fólkið til að samþykkja allar þessar hugmyndafræðilegu breytingar sem þeir vilja, eða sem þeir þurfa til að endurmóta samfélagið. En yfirleitt trúa þeir með ofstæksifullum hætti á hugmyndafræði sína eins og um þesar mundir fólkið sem er í forsvari fyrir stórar alþjóðastofnanir – þau trúa því líklega að tæknikratískt kerfi sé miklu betra en lýðræðislegt kerfi. Það segja það jafnvel beinlínis,“ segir Mattias og bendir á að alveg sama hvað þá þurfum við samkvæmt þessu nýtt kerfi.
„Sem gerir okkur kleyft að berjast til dæmis gegn loftlagsbreytingum með lýðræðislegum hætti þá verðum við að finna aðra leið. Þannig að það er ástandið sem við erum í í dag. Það er meiri og meiri stuðningur í samfélaginu fyrir tæknikratísku kerfi, nýrri tegund alræðis. Ég held að við þurfum meiri stjórn. Við þurfum meiri áróður. Vð þurfum meira af hugmyndafræðilegri innrætingu á mjög ungum einstaklingum í skólum til að kenna því hvernig á að fá nýja sýn á kyn, kynhneigð, loftlagsbreytingar, á lyflækningum og fleiru,“ segir Mattias en þá bendir Frosti á athyglisverða staðreynd.
Frá Tucker til Frosta
„Kannski væru þessar aðferðir einhvern veginn í lagi ef sérfræðingarnir hefðu alltaf rétt fyrir sér, eða ég meina. Það er málið, er það ekki að sérfræðingarnir eða vísindin sem þeir byggja skoðanir sínar eru ekki gallalaus eða eins fulkomin og þeir vilja láta?“
„Það er vægt til orða tekið. Ef þú lítur á vísindin, eða vísindin. Á akademísku greinarnar á bak við Covid-frásögnina þá vitum við það núna að nánast allt var rangt. Kenningar um uppruna COVID-vírusins voru rangar. Kenningarnar um dánartíðni vegna vírusins voru gróflega rangar. Kenningar um virkni bólusetninganna voru algjörlega rangar. Kenningarnar um skaðleg áhrif bólefnanna, algjörlega rangt. Nefndu það og það var allt vitlaust og rangt. Það er eitt vandamálið en að sjálfsögðu réttlæta alræðiskerfi sig alltaf. Þau trúa alltaf að þau standi fyrir vísindum. Þau hafa alltaf gert það. Í Sovíetríkjunum trúðu þeir því, Hitler trúði því,“ segir Mattias í þessu einstaka viðtali sem þú mátt ekki láta fram hjá þér fara.
Mattias hefur verið að koma fram í viðtölum víðs vegar um heiminn, meðal annars hjá hjá Tucker Carlson og öðrum risum heimspressunnar, og núna sest hann niður með Frosta Logasyni til að ræða hvernig helst megi berjast gegn fjöldamyndunum og alræði sérfræðingana.