Ísland verður í beinni á Snapchat á morgun. Þá gefst notendum á Íslandi kostur á að senda myndskeið sín í sérstaka Íslands-story sem verður sýnileg fyrir notendur samfélagsmiðilsins um allan heim.
Þetta sést þegar filterarnir á Snapchat eru skoðaðir. Þar er tilkynnt að Ísland verði í beinni á morgun.
Virkir notendur Snapchat eru um 100 milljónir þannig að heimsfrægð er á næsta leyti fyrir þau sem komast að. Eða þannig. Það er þó ljóst að það verður erfitt að komast að, þar sem nánast helmingur þjóðarinnar notar Snapchat.
Mission: Komast á Ísland story-ið á morgun!
— Anna Fríða Gísladóttir (@AnnaFridaGisla) September 15, 2015
Undanfarið hafa birst færslur á Snapchat frá öllum heimshornum. Notendur nota oft tækifærið til að kynna land og þjóð fyrir heimsbyggðinni og sýna hvað er borðað, hvað landsmenn hafa fyrir stafni og fleira.