Jarðskjálfti norður af Siglufirði 4,6 að stærð

Jarðskjálfti af stærðinni 4,6 á richter átti sér stað klukkan eitt í nótt. Norðlendingar sem voru á fótum fundu vel fyrir skjálftanum og eins voru margir sem vöknuðu við hann, ef marka má færslur á samfélagsmiðlum.

Upptök skjálftans voru rúma 20 kílómetra norður af Siglufirði, á 7,8 kílómetra dýpi. Skjálftinn fannst greinilega á Siglufirði, og einnig á Akureyri, Dalvík, Húsavík, Sauðarkróki, Skagaströnd, Blönduósi og víðar.

Mómentið í miðri Stranger Things skrímslabardagasenu þegar jarðskjálfti verður 20 km frá húsinu þínu, upp á 4,6 á Richter.
Góða nótt. pic.twitter.com/uhZfbztaHw

— Már Örlygsson ? (@maranomynet) July 24, 2019