Listakonan og plötusnúðurinn Sunna Ben varð fyrir miklum vonbrigðum í dag.
Hún vann hörðum höndum að listaverki á einum vegg verslunar Hrím á Laugaveginum og var svo einbeitt að hún tók ekki eftir því að Kit Harington, leikarinn sem fer með hlutverk hins vinsæla Jon Snow, í þáttunum Game of Thrones stóð fyrir aftan hana.
Hér má sjá listaverkið sem er enn í vinnslu
Sunna var með heyrnatól á höfðinu og hlustaði á tónlist við vinnu sína. Skyndilega stóð Harington fyrir aftan hana og dáðist að verki hennar.
Hann skoðaði sig um í búðinni og spurði starfsfólkið síðan hvort búðin væri opin á morgun, sunnudag.
Sunna er miður sín að hafa ekki náð að sjá leikarann með eigin augum en það var starfsmaður búðarinnar sem benti henni á þetta eftir að Harington fór út úr búðinni.
Er að mála vegg í Hrím. Var með headphone & sjúklega einbeitt meðan JOHN SNOW stóð yfir mér & skoðaði verkið! …& fór án þess ég sæi hann!?
— Sunna Ben (@SunnaBen) January 21, 2017
Tökulið bandarísku sjónvarpsþáttaraðarinnar Game of Thrones kom til Íslands fyrr í þessum mánuði að taka upp hluta af sjöundu þáttaröðinni.
RÚV greindi frá þessu og sagði jafnframt að reiknað sé með því að tökuliðið verði að störfum hér á landi fram í febrúar.
Nútíminn greindi frá því í júlí á síðasta ári að tökuliðið væri væntanlegt í janúar. Heimildir Nútímans herma að tökurnar innihaldi sex stóra karaktera úr Game of Thrones