today-is-a-good-day

Justin Bieber vill heitan pott baksviðs í Kórnum

Kanadíska poppstjarnan Justin Bieber krefst þess að heitum potti verði komið fyrir baksviðs í Kórnum í Kópavogi fyrir tónleikana í vikunni. Þetta kemur fram á vef RÚV.

Tónleikarnir fara fram á fimmtudags- og föstudagskvöld. Tónleikahaldarinn Ísleifur Þórhallsson gat ekki tjáð sig um heita pottinn á vef RÚV.

Sjá einnig: Justin Bieber með fjölbreyttar kröfur, vill tekíla, bjór, nóg af nammi, og lífræna banana

Nútíminn hafði áður greint frá því að Bieber vilji fá Bud Light, Corona og Stella-bjór til að svala þorstanum baksviðs í Kórnum. Þá vill hann gott úrval af gosi og orkudrykkjum, te og flöskuvatni. Hann biður einnig sérstaklega um tvær flöskur af Don Julio 1942 tekíla.

Bieber vill ekki svelta baksviðs og vill því fá fjölbreytt úrval ávaxta, lífræna banana, samlokubrauð, álegg, lífrænan kalkún og Provolone-ost ásamt svörtum ólífum.

Hann hatar ekki samlokurnar en frægt er að hann stoppaði fyrst á samlokustöðunum Lemon og Subway í Reykjanesbæ þegar hann kom til landsins í september á síðasta ári.

Okkar maður er mikill sælgætisgrís og vill fá nóg af Skittles, venjulegu og súru, M&M og þrjár tegundir af Oreo-kexi. Loks vill hann tyggjó, Twix, Kit Kat og tvær tegundir af morgunkorni.

Auglýsing

læk

Instagram