„Þessi maður elti stelpuna mína(11 ára) inn á stigagang í Firðinum í dag, hún hljóp alla leið upp á fimmtu hæð og var þar hleypt inn á skrifstofu þar sem hún beið þangað til lögreglan kom,“ skrifar áhyggjufull móðir inn í hóp á Facebook sem ætlaður er miðbæ Hafnarfjarðar og íbúum hans.
„Vonandi verður farið að taka þessu alvarlega áður en eitthvað gerist sem ekki er hægt að bæta,“
„Hann kallaði á eftir henni eitthvað á tungumáli sem hún skildi ekki. Lögreglan talaði við hann og rak hann í burtu, það er allt og sumt ekkert gert. Svo var hann mættur að rölta Lækjargötuna kl 21 í kvöld en þá tók ég þessar myndir sem við sendum svo á lögregluna. Vonandi verður farið að taka þessu alvarlega áður en eitthvað gerist sem ekki er hægt að bæta,“ segir konan sem birti ljósmyndir af manninum í hópnum og fylgja þær þessari frétt.
Hægt er að sjá fleiri myndir af manninum með því að smella hér!
Fleiri hafa séð manninn
En litla stúlkan er ekki sú eina sem hefur orðið á vegi mannsins því önnur kona í hópnum skrifar undir stöðufærsluna og greinir frá því að hann hafi gengið á eftir henni í gærmorgun á Völlunum í Hafnarfirði.
„Þessi maður labbaði á eftir mer í morgun hérna á völlunum. Ég var ekki viss hvort hann væri að elta mig en ég er fullorðin og hann sagði ekkert. Greinilega stórhættulegur og geðveikur að elta börn!! Eins gott hún komst undan því eitthvað er hann að gera með því að elta fólk og börn! 🤬,“ skrifar konan og bætir við:
„Ömurlegt að vita til þess að lögreglan geri ekkert og gott að barnið komst undan!! Það eru bara ekkert öll börn sem geta hlaupið eða þora að biðja um hjálp og þessvegna er þetta grafalvarlegt 🤬.“
Ef einhverjir verða á vegi mannsins eða hafa frekari upplýsingar um hann er bent á að hafa samband við lögregluna á höfuðborgarsvæðinu.