Lögreglan í Reykjavík rannsakar nú mögulegan hatursglæp eftir að veist var að þremur múslimskum konum í Breiðholti um kvöldmatarleytið í gær. Þetta kemur fram á vef RÚV.
Í dagbókarfærslu lögreglunnar á höfuðborgarsvæðinu kemur ekki fram með hvaða hætti var veist að konunum. Þá kemur ekkert fram um kringumstæður á vettvangi eða hvort að einhver eða einhverjir liggja undir grun.