Mugison, Svala og JóiP x Króli á Innipúkanum í ár

Miðsala er hafin á tónlistarhátíðina Innipúkan sem haldin verður í 17. sinn um verslunarmannahelgina. Meðal þeirra sem koma fram eru JóiP x Króli, Svala, Logi Pedro, GRIL PWR og Mugison.

Aðaldagskrá tónlistarhátíðarinnar fer fram innandyra, eins og nafnið gefur til kynna, og að þessu sinni á tónleikastöðunum Húrra og Gauknum við Naustina í Kvosinni. Boðið verður upp á fjölbreytta tónleikadagskrá föstudags-, laugardags- og sunnudagskvöld, dagana 3. til 5. ágúst.

Ókeypis götuhátíðardagskrá verður opin öllum yfir hátíðardagana í nálægð við tónleikastaðina þar sem boðið verður upp á gamalreynda dagskrárliði á borð við pub quiz Innipúkans, árlega listamarkaði, plötusnúða og veitingasölu.