Tónlistarmaðurinn Bubbi Morthens sendi í dag frá sér þriðja lagið af komandi plötu sinni. Lagið heitir Límdu saman heiminn minn og mun það vera á plötunni Regnbogans stræti sem er væntanleg.
Sjá einnig: Bubbi Morthens segir viðhorf Íslendinga til einkabílsins líkjast viðhorfi Texas-búa til byssueignar
Bubbi hefur þegar gefið út lögin Velkominn og Án þín sem hann söng ásamt Katrínu Halldóru Sigurðardóttur. Lögin hafa fengið góðar viðtökur á meðal aðdáenda hans.
Platan Regnbogans stræti er væntanleg 9. ágúst næstkomandi.