Rappara dúettinn JóiP x Króli kom fram á Menningarnótt í Reykjavík um helgina. Rappararnir stigu á svið á risatónleikum við Arnarhól en litlu mátti muna að illa færi á miðjum tónleikum þegar tónleikagestur kastaði flösku á sviðið.
Á myndbandi sem Donce Monce setti inn á Youtube má sjá þegar flösku af Mountain Dew er kastað úr áhorfendaskaranum upp á svið. Flaskan fer yfir höfuð Jóa P og virðist vera nokkuð eftir í henni.
Rappararnir tóku eftir flöskunni en létu atvikið ekki á sig fá og héldu áfram að skemmta áhorfendum.