today-is-a-good-day

Páll Magnússon hrasaði með tilþrifum í þingsal og Áslaug Arna sá á því spaugilegu hliðina

Vinir og vinkonur Páls Magnússonar, þingmanns Sjálfstæðisflokksins, misskildu eitthvað kaldhæðnislega færslu hans á Facebook í dag, þar sem hann þykist sármóðgaður yfir því að flokkssystir hans klippti til myndband af óhappi í þingsal og skemmti sér konunglega yfir því. Horfðu á umrætt myndband hér fyrir ofan.

Forsaga málsins er sú að Páll var næstum því dottinn með talsverðum tilþrifum við upphaf þingfundar í dag. Áslaug Arna ákvað að stríða flokksbróður sínum örlítið og klippti til myndband af atvikinu. Páll grínaðist í kjölfarið á Facebook og sagði Áslaugu vera „óttalegt meinhorn“ sem gleðst yfir óförum annarra.

Eitthvað virðast vinir Páls og vinkonur hafa misskilið grínið því þau sármóðguðust fyrir hans hönd í athugasemdakerfinu undir færslu hans á Facebook. Var Áslaug sögð eiga bágt á meðan önnur lagði til að símar yrðu bannaðir í þingskal.

Páll neyddist til að árétta að um létt spaug væri að ræða og að Áslaug Arna hefði ekki tekið upp myndbandið, heldur myndavélar í þingsal.

Auglýsing

læk

Instagram