today-is-a-good-day

Pusha T kemur í stað Ritu Ora á Secret Solstice – Rae Sremmurd komast ekki vegna vegabréfsvandræða

Í gær kom í ljós að poppstjarnan Rita Ora kemur ekki fram á Secret Solstice hátíðinni í ár vegna veikinda. Rapparinn Pusha T mun fylla skarð hennar.

Sjá einnig: Rita Ora staðfestir að hún kemur ekki fram á Secret Solstice í ár: „Hjarta mitt er brotið“

Í gærkvöldi var send út tilkynning um að rapptvíeykið Rae Sremmurd myndi koma fram í stað Ritu en ekki allir úr þeirra hópi gátu komið til Íslands með svo stuttum fyrirvara vegna vegabréfsvandræða.

Til allrar lukku voru fleiri tónlistarmenn í sigtinu hjá skipuleggjendum hátíðarinnar og fljótlega var gengið frá samningum við bandaríska rapparann Pusha T.

Auglýsing

læk

Instagram