Skorar á kannabisræktendur á Akureyri að standa sig betur í að flokka rusl

Auglýsing

Frímann Stefánsson, stöðvarstjóri Gámaþjónustu Norðurlands, hvetur kannabisræktendur á Akureyri til að standa sig betur í að flokka rusl sem verður til við framleiðsluna. Þetta kemur fram á vef Gámaþjónustunnar.

Í skilaboðum frá Frímanni, sem birtust í mars, kemur fram að óskemmtileg sending hafi borist með restum af kannabisframleiðslu. „Öllu var grautað saman í nokkra svarta ruslapoka og hafði verið hent í bylgjupappagám,“ segir hann. „Þetta gengur ekki í „flokkunarbænum“ Akureyri.“

Hann bendir á að stilkarnir og afskurðirnir eigi að fara í lífræna pokann og að kassarnir undan hönskunum og plastpokunum skuli fara í pappagám. Þá segir hann að gúmmíhanskar og loftræstirör flokkist sem í almennt sorp og að plast þurfi að fara í plastgám.

„Ég hringdi í lögregluna en hún fann ekkert rekjanlegt í þessu svo ég get víst ekki kvartað beint,“ segir hann léttur.

Auglýsing

læk

Ummmmm...

Instagram