Sóli Hólm var gestur hjá þeim Frosta og Mána í útvarpsþættinum Harmageddon á X977 í vikunni þar sem hann tók meðal annars ótrúlega Sigmundar Davíð eftirhermu.
Hann undirbýr nú sýninguna Varist eftirhermur en fáir hér á landi geta brugðið sér í líki jafnmargra þjóðþekktra Íslendinga og Sóli Hólm.
„Þetta var fáránlega vel gert ég verð nú að viðurkenna það, afhverju áttu svona auðvelt með eftirhermur?“ spurði Máni þegar að Sóli var búinn að herma eftir Sigmundi en Sóli sagði að þetta væri einfaldlega „gift“, hann hefði ekkert kennt sjálfum sér þetta.
„Þegar ég heyri einhvern tala þá veit ég strax hvort ég geti hermt eftir honum,“ sagði Sóli sem uppgötvaði þennan hæfileika strax sem krakki þegar hann hermdi eftir skólastjóranum og gangavörðum í Langholtsskóla.
Hér að neðan má heyra viðtalið við Sóla í Harmageddon en hann hermir eftir Sigmundi Davíð þegar rétt tæpar 15 mínútur eru liðnar af viðtalinu.