Sólrún Diego skilur Arnald og Yrsu eftir í rykinu og trónir á toppi bóksölulistans: „Ég er í sjokki“

Samfélagsmiðladrottning Íslands, Sólrún Diego, trónir á toppi bóksölulistans þessa vikuna með bók sína, Heima. Sólrún skýst fram úr bæði Yrsu Sigurðardóttur og Arnaldi Indriðasyni sem um áraraðir hafa skipt með sér topplistanum. Þessi mikla velgengi bókarinnar kemur Sólrúnu í opna skjöldu.

Sólrún sagði í viðtali við Nútímann fyrr í vetur að bókin væri í anda þess sem hún hefur verið að skrifa um á bloggsíðunni sinni og tala um á Snapchat. „Þetta er svona handbók heimilsins og mun innihalda allt sem við kemur heimilinu. Húsráð, skipulag og bara það sem ég hef verið þekktust fyrir á mínum miðlum,“ sagði hún.

Sjá einnig: Myndaveisla úr útgáfupartíi Sólrúnar Diego: Snapstjörnur, grínistar og vinir fögnuðu saman

Þessi gríðarlegi áhugi fyrir bókinni hefur komið Sólrúnu á óvart. „Þetta er ekki eitthvað sem ég hafði gert mér vonir um og ég er eiginlega bara í sjokki,“ segir Sólrún í samtali við Nútímann.

Hún segir fylgjendahóp sinn á Snapchat hafa tekið vel í bókina en yfir 25 þúsund manns fylgjast með Sólrúnu á degi hverjum. „Fylgjendur mínir hafa fengið að fylgjast með öllu ferlinu frá uphafi og fengið að tengjast mér og bókinni. Það hefur klárlega hjálpað til,“ segir hún.

Ég hef fengið mikinn stuðning frá fólki sem fylgir mér á Snapchat og ég með það gríðarlega mikils.

Aðspurð um hvort hún ætli ekki að snúa sér næst að sjónvarpi og þá taka að sér að framleiða næstu seríu af þáttunum, Allt í drasli, segir Sólrún það ólíklegt: „Nei ég reikna ekki með því, maður á þó aldrei að segja aldrei,“ segir Sólrún og hlær.

Topplistinn þessa vikuna

1. Heima – Sólrún Diego
2. Gatið – Yrsa Sigurðardóttir
3. Myrkrið veit – Arnaldur Indriðason
4. Amma best – Gunnar Helgason
5. Mistur – Ragnar Jónasson
6. Þitt eigið ævintýri – Ævar Þór Benediktsson
7. Saga Ástu – Jón Kalman Stefánsson
8. Sakramentið – Ólafur Jóhann Ólafsson
9. Útkall, Reiðarslag í Eyjum – Óttar Sveinsson
10. Minn tími – saga Jóhönnu Sigurðardóttur – Páll Valsson
11. Sönglögin okkar – Ýmsir / Jón Ólafsson
12. Vertu ósýnilegur – Kristín Helga Gunnarsdóttir
13. Flóttinn hans afa – David Walliams
14. Gagn og gaman – Helgi Elíasson og Ísak Jónsson
15. 13 þrautir jólasveinanna: jólaskemmtanir – Huginn Þór Grétarsson
16. Áfram líður tíminn – Marry Higgins Clark
17. Jól með Láru – Birgitta Haukdal
18. Smartís – Gerður Kristný
19. Syndafallið – Mikael Torfason
20. Þúsund kossar – Jóga – Jón Gnarr