Fjölmiðlamaðurinn Sölvi Tryggvason er á meðal þeirra sem keppa í þáttunum Allir geta dansað sem hefst á Stöð 2 11. mars. Um er að ræða íslenska útgáfu af þáttunum Dancing with the Stars.
Sölvi birti myndband frá æfingu í gærkvöldi þar sem hann stígur trylltan dans með Ástrósu Traustadóttur, sem verður dansfélagi hans í þáttunum. Myndbandið sýnir að Sölvi er svo sannarlega að ná sporunum sem þarf til að ná langt.
Horfðu á myndbandið hér fyrir neðan
Á meðal þeirra sem taka einnig þátt eru sundkonan Hrafnhildur Lúthersdóttir, frjálsíþróttagoðsögnin Jón Arnar Magnússon, sjónvarpskonurnar Lóa Pind Aldísardóttir og Hugrún Halldórsdóttir, leikstjórinn Óskar Jónasson, söngvararnir Bergþór Pálsson og Jóhanna Guðrún og vöðvatröllið Arnar Grant.
Við bíðum spennt eftir myndböndum frá þeim.