Ariana Grande er ein vinsælasta söngkona Bandaríkjanna um þessar mundir. Þetta er hún.
Söngkonan stendur í ströngu þessa dagana eftir að fréttasíðan TMZ birti myndband sem sýnir hana sleikja kleinuhringi í bakaríi, blóta og segjast hata Bandaríkin og Bandaríkjamenn. Myndbandið má sjá hér fyrir neðan.
Sjá einnig: Miley Cyrus og Ariana Grande flytja gamlan smell
Grande hefur neyðst til að senda frá sér yfirlýsingu um málið þar sem hún biðst afsökunar á ummælum sínum um Bandaríkin. Hún biðst hins vegar ekki afsökunar á því að hafa sleikt kleinuhringina.
Þetta byrjaði allt með þessu myndbandi
Myndbandið þótti afar vandræðalegt fyrir stjörnuna sem afboðaði komu sína á stóra tónleika á vegum bandaríska hafnaboltasambandsins, MBL, í kjölfarið.
Talsmaður Grande sagði að fjarvera hennar hefði ekkert að gera með myndbandið, hún hafi veikst og þurft á aðgerð að halda.
Ariana Grande hefur nú sent frá sér yfirlýsingu um málið þar sem hún segist vera gríðarlega stolt af því að vera Bandarísk og að hún hafi alltaf elskað landið sitt.
„Það sem ég sagði í einkasamtali við vin minn, sem var að kaupa kleinuhringi, var tekið úr samhengið og ég biðst afsökunar á því að hafa orðað þetta svona,“ sagði hún.
Grande sagðist svo vera talsmaður þess að borða hollan mat. Sagði hún að mataræði Bandaríkjamanna færi stundum fyrir brjóstið á henni þar sem afleiðingarnar á heilsu þjóðarinnar vær skelfilegar.
Sú staðreynd að offita barna er mest í Bandaríkjunum er svekkjandi. Við þurfum að upplýsa börnin okkar og okkur sjálf um hættuna sem felst í ofáti og eitrið sem við látum ofan í okkur.
Loks segist hún hafa átt að vita betur. „Ég biðst afsökunar ef þessi slæma orðanotkun mín móðgaði einhvern.“
Meira um Ariönu Grande:
Ariana Grande massar Celine Dion eftirhermu