Leikkonan Maya Hawke hefur heldur betur skotist upp á stjörnuhimininn í sumar. Hún vakti mikla athygli fyrir hlutverk sitt í sjónvarpsþáttunum vinsælu Stranger Things og þá lék hún einnig í nýjustu kvikmynd Quentin Tarantino, Once Upon A Time In Hollywood. Á dögunum gaf hún einnig út tónlistarmyndband við nýtt lag.
Myndbandið er við lagið To Love A Boy sem er að finna á smáskífu sem Hawke gaf út fyrir stuttu. Lögin samdi Hawke í samstarfi við Jesse Harris sem hefur meðal annars samið lög fyrir Lönu Del Rey og Noruh Jones. Hawke á ekki langt að sækja hæfileika sína en hún er dóttir stórleikaranna Umu Thurman og Ethan Hawke.