Secret Solstice tónlistarhátíðin fer fram í Reykjavík um næstu helgi en fyrirkomulag hátíðarinnar verður töluvert frábrugðið því sem hefur verið undanfarin ár. Næturdagskráin mun til að mynda vera í miðbæ Reykjavíku auk þess sem hátíðin hefur verið stytt um einn dag. Þetta kemur fram á vef RÚV.
Sjá einnig: MTV fjallar um Secret Solstice og gefur miða á hátíðina
Þá segir Jón Bjarni Steinsson, einn af forsvarsmönnum Secret Solstice í samtali við RÚV að aðgengisreglur hafi verið hertar til muna og að ungmenni yngri en 18 ára fái ekki afhend armbönd nema í fylgd með foreldrum.
Hann segir einnig að aðstandendur hátíðarinnar hafi átt gott samstarf við Reykjavíkurborg í vetur og að hátíðin sé komin til að vera. Hægt er að kynna sér alla þá listamenn sem koma fram á hátíðinni á www.secretsolstice.is.